Divorce | భార్య భర్తలు కలకాలం కలిసి ఉండాలని పెళ్లి చేసుకుంటారు. అయితే ఒకప్పుడు భార్యా భర్తలు ఎక్కువగా విడాకులు తీసుకునేవారు కాదు. దానికి అనేక కారణాలు ఉన్నాయి. ఉమ్మడి కుటుంబాలు ఉండటం. పెద్దలు చెప్పినట్టు వినటం. సోషల్ మీడియా ప్రభావం ఎక్కువగా లేకపోవడం ఇలా చెప్పుకుంటూ వెళితే ఎన్నో కారణాలు ఉన్నాయి. కానీ ఇప్పుడు భార్య భర్తలు చిన్న చిన్న గొడవలకు కూడా విడాకులు తీసుకుంటున్నారు. దాంతో పిల్లల జీవితాలు కూడా నాశనం అవుతున్నాయి.ప్రస్తుతం భార్యాభర్తలు విడిపోవడానికి 5 ముఖ్య కారణాలు ఏంటంటే.
భార్యాభర్తల మధ్య ప్రేమ కోల్పోవడం..
సాధారణంగా, భార్యాభర్తల బంధంతో వచ్చే బాధ్యతల కారణంగా, ఒకరికొకరు సమయం ఇవ్వలేరు, ఇది తరువాత ఇద్దరి మధ్యా దూరాన్ని పెంచుతుంది. ప్రేమ వివాహం చేసుకున్న వారిలో కూడా పెళ్లి తర్వాత ప్రేమ ముగుస్తుంది. ఇది కాకుండా, భాగస్వామిని తేలికగా తీసుకోవడం వంటివి పరస్పర ప్రేమ, గౌరవం కోల్పోవడానికి ప్రధాన కారణాలుగా మారతాయి.
మరొకరితో సంబంధం
శారీరక, మానసిక అవసరాలను తీర్చుకోవడానికి వారి జీవిత భాగస్వామికి తెలియకుండానే ఇతర వ్యక్తులతో సంబంధాలను పెంచుకుంటారు. ఈ విషయం కారణంగా చాలా వివాహాలు పాడవడమే కాకుండా, వివాహంపై నమ్మకం కోల్పోయేలా చేస్తున్నాయి.
అవసరాలలో తేడా
విజయవంతమైన వివాహానికి దాంపత్యం కీలకం. భాగస్వామిని లైంగికంగా సంతృప్తిపరచలేకపోవడం, వివాహేతర సంబంధాలు, విడాకుల ప్రమాదాన్ని పెంచుతున్నాయి. అందువల్ల, వివాహానికి ముందు ప్రాధాన్యతలను, పరిమితులను ఒకరితో ఒకరు చర్చించుకోవడం చాలా ముఖ్యం.
భాగస్వామిని అర్థం చేసుకోలేకపోవడం..
వైవాహిక జీవితంలో ఎదురయ్యే చాలా కష్టాలకు భార్యాభర్తలమధ్య సరైన అవగాహన లేకపోవడమే కారణం. ఇద్దరూ కలిసి ఉండాలంటే ఒకరిపై ఒకరికి గౌరవం, ప్రేమ, అన్నింటికంటే నమ్మకం చాలా ముఖ్యం. అయితే భాగస్వామిని వేధింపులకు గురిచేయడం, గౌరవం లేకపోవడం వంటి పనులు కూడా విడాకుల వరకూ తెస్తాయి.