Rajinikanth | నిజంగా గ్రేట్.. సాధారణ ప్రయాణికుడిలా కడపకు వచ్చిన రజనీకాంత్‌..

allroudadda

Rajinikanth | ర‌జినీకాంత్ గ‌త నెల ‘లాల్‌ సలామ్‌’ అంటూ ప్రేక్ష‌కుల ముందుకు రాగా ఈ సినిమా బాక్సాఫీస్ వ‌ద్ద డిజాస్ట‌ర్‌గా మిగిలింది. ఈ సినిమా అనంత‌రం టి.జె.జ్ఞానవేల్‌ దర్శకత్వంలో ‘వెట్టయాన్‌’ చేస్తున్న రజినీ త‌ర్వాత లియో ద‌ర్శ‌కుడు లోకేష్‌ కనగరాజ్‌ దర్శకత్వంలో ఓ చిత్రంలో న‌టించ‌నున్నారు.అది పక్కన పెడితే ర‌జినీకాంత్ మరోసారి తన సింప్లిసిటీని చాటుకున్నాడు.

రజనీకాంత్‌ (Rajinikanth) ప్ర‌స్తుతం జై భీమ్ ఫేమ్ టి.జె.జ్ఞానవేల్‌ దర్శకత్వంలో ‘వెట్టయాన్‌’(Vettayan) అనే సినిమా చేస్తున్న విష‌యం తెలిసిందే. తెలుగులో వేట‌గాడు పేరుతో విడుద‌ల కానుంది. అమితాబ్‌, ఫహద్‌ ఫాజిల్‌, రానా, మంజు వారియర్‌, రితికా సింగ్‌, దుషారా విజయన్ ఇందులో కీలక పాత్రలు పోషిస్తున్నారు. ఇక ఈ సినిమా షూటింగ్ ప్ర‌స్తుతం ఆంధ్రప్రదేశ్‌లోని క‌డ‌ప జిల్లాలో జ‌రుగుతుంది.

allroudadda
allroudadda

అయితే ఈ షూటింగ్‌లో పాల్గోన‌డానికి ర‌జినీకాంత్ చెన్నై నుంచి కడపకు ఓ సాధారణ ప్రయాణికుడిలా ఎకానమీ క్లాస్‌లో వచ్చారు. ఇక క‌డ‌ప‌కు వ‌స్తుండ‌గా.. విమానంలో ఆయన కూర్చొన్న ఫొటోలు, వీడియోలు ప్రస్తుతం సోష‌ల్ మీడియాలో వైరల్‌ అవుతున్నాయి. మ‌రోవైపు త‌మిళ హీరో జీవా కూడా ర‌జినీకాంత్‌తో ఫోటో దిగి సామాజిక మాధ్యమాల్లో పోస్ట్ చేశాడు.

Leave a Reply